2021 թվականի հուլիսի 19-ին Պրոբացիայի ծառայությունում կայացել է ևս մեկ վերապատրաստման դասընթաց քրեակատարողական և պրոբացիայի ծառայողների համատեղ համագործակցության վերաբերյալ: Վերապատրաստման դասընթացը վերաբերել է «Դատապարտյալների կարիքների գնահատման» թեմային, այն վարել են Պրոբացիայի ծառայության կենտրոնական մարմնի կազմակերպամեթոդական բաժնի պետ Անուշ Ղազարյանը և Քրեակատարողական ծառայության կենտրոնական մարմնի սոցիալական, հոգեբանական և իրավական աշխատանքների բաժնի պետի տեղակալ Հովհաննես Մարգարյանը: 

Դասընթացի ժամանակ ներկայացվել են դատապարտյալների նկատմամբ իրականացվող սոցիալական, հոգեբանական և իրավական աշխատանքները,  ինչպես նաև ընդհանուր տեղեկություններ են փոխանցվել կատարվող միջոցառումների և ծրագրերի մասին: Վերհանվել են դատապարտյալների հետ գործնականում տարվող աշխատանքների արդյունքում առաջացած խնդիրները, ներկայացվել են առաջարկություններ վերոնշյալ խնդիրների լուծման ուղղությամբ և իրականացվել փորձի փոխանակում սոցիալ-հոգեբանական աշխատանքների կատարման վերաբերյալ:

Դասընթացը կրկին իրականացվել է հիբրիդ՝ լսարանային և առցանց եղանակով, որին ներկա են եղել Պրոբացիայի և Քրեակատարողական ծառայության աշխատակիցները, իսկ առցանց եղանակով իրենց մասնակցությունն են ապահովել Պրոբացիայի ծառայության մարզային մարմնի ծառայողները և քրեակատարողական հիմնարկների աշխատակիցները: 

https://probation.am/hy/news/19072021?fbclid=IwAR1jsbYsisVQ8YvRNdOPbD5axU40wyQSU9G5Zvp0yVHtHnKY35UKpNDZHDQ