Հունիսի 18-ին ՀՀ ԱՆ քրեակատարողական ծառայության պետ, արդարադատության գնդապետ Արտյոմ Մխոյանը ծառայության ստորաբաժանումների և քրեակատարողական հիմնարկների պետերին ներկայացրեց ՀՀ արդարադատության նախարար Արտակ Զեյնալյանի՝ հունիսի 15-ի հրամանով նշանակված ծառայության պետի տեղակալներին՝ շնորհակալություն հայտնելով ծառայության պետի նախկին տեղակալներին իրենց աշխատանքի և նվիրվածության համար:

Առաջին տեղակալ նշանակվեց արդարադատության գնդապետ Մանուկ Միքայելյանը:

Տեղակալներ նշանակվեցին արդարադատության գնդապետներ Հայկ Քոչինյանը,  Վարդգես Ծաղիկյանը:

Արդարադատության գնդապետ Վարուժան Մելքոնյանը վերանշանակվեց ծառայության պետի տեղակալի պաշտոնում:

Հանդիպման ընթացքում Արտյոմ Մխոյանն անդրադարձավ ծառայությանը վերաբերող կարևորագույն հարցերին և գործառույթներին, մասնավորապես շեշտադրեց կոռուպցիայի դեմ պայքարի հիմնախնդիրները:

Հանդիպման ավարտին տրվեցին հստակ հանձնարարականներ՝  ծառայության տարբեր ոլորտներում առկա խնդիրների շուրջ: