Հայաստանի Հանրապետության արդարադատության նախարարության «Սևան» քրեակատարողական հիմնարկում անազատության մեջ պատիժը կրող 11 դատապարտյալների տրվել են հավաստագրեր՝ «Կահույքագործության հիմունքներ», «Համակարգչային հմտություններ», «Հաղորդակցման հմտություններ» 6-ամսյա մասնագիտական դասընթացներին մասնակցելու համար: 

Դասերն իրականացվել են «Իրավական կրթության և վերականգնողական ծրագրերի իրականացման կենտրոն» ՊՈԱԿ-ի կողմից կրթական-վերականգնողական ծրագրերի շրջանակներում: 

Ուսումնասիրելով վերոնշյալ առարկաները՝ մասնակիցները ծանոթացել և պրակտիկ գիտելիքներ ու մասնագիտական գործիքների կիրառման հմտություններ են ձեռք բերել՝ տիրապետելով կահույքագործության գործիքների, հաստոցների կիրառման հմտություններին, ստեղծել կահույքի նմուշներ, սովորել տեքստերի խմբագրում և ֆորմատավորում, ինչպես նաև ուսումնասիրել են շփման և անձնական հաղորդակցման ձևերը: