Հոկտեմբերի 27-ին ՀՀ ԱՆ քրեակատարողական ծառայությունում օպերատիվ աշխատակիցների համար տեղի ունեցավ հերթական դասընթացը, որը վարեց ՀՀ ոստիկանության ակադեմիայի իրավագիտության ֆակուլտետի ՕՀԳ և կրիմինալիստիկայի ամբիոնի պետ, ոստիկանության գնդապետ Մանուկ Սեմերջյանը:

Մինչ դասընթացի մեկնարկը թեմայի շուրջ խոսեց Ծառայության պետի առաջին տեղակալ, արդարադատության գնդապետ Մանուկ Միքայելյանը: Իր խոսքում նա հատկապես  կարևորեց օպերատիվ ծառայողի մասնագիտական  հմտությունների զարգացման անհրաժեշտությունը, ինչպես նաև անդրադարձավ օպերատիվ-հետախուզական աշխատանքների իրականացման վերաբերյալ ՀՀ արդարադատության նախարարի հրամանին:

Քրեակատարողական ծառայությունում պարբերաբար իրականացվող դասընթացների նպատակն է բարելավել օպերատիվ ծառայության աշխատակիցների մասնագիտական գիտելիքները, ամրապնդել և հմտացնել աշխատանքային կարողությունները:

Դասընթացները կրում են շարունակական բնույթ: