Շախմատի առաջնություն դատապարտյալների մասնակցությամբ
հուլիսի 23, 2020
Հուլիսի 23-ին Հայաստանի Հանրապետության արդարադատության նախարարության «Դատապարտյալների հիվանդանոց» քրեակատարողական հիմնարկում, պահպանելով հակահամաճարակային անվտանգության համապատասխան բոլոր կանոնները, հիմնարկի վարչակազմի օժանդակությամբ, սոցիալական, հոգեբանական և իրավական բաժնի աշխատակիցների նախաձեռնությամբ կազմակերպվել էր շախմատային առաջնություն, որին մասնակցել է տասնյակից ավել դատապարտյալ:
Հաղթանակի հասնելու յուրաքանչյուրի տրամադրվածությունն ու մղումը խաղը դարձրել էին բավական լարված և հետաքրքիր:
Թեժ պայքարում հաղթանակ տոնեցին և առաջին պատվավոր տեղերը համապատասխանաբար գրավեցին կալանավորված անձ Մ. Ներսեսյանը, դատապարտյալներ Ա. Մնացականյանը և Ա. Մաթևոսյանը:
ՀՀ ԱՆ «Դատապարտյալների հիվանդանոց» քրեակատարողական հիմնարկի պետ, արդարադատության փոխգնդապետ Արտակ Սարգսյանը շնորհակալություն հայտնեց մասնակիցներին ակտիվ խաղի համար և շնորհավորելով հաղթողներին՝ նրանց պարգևատրեց պատվոգրերով: