Ազատազրկված անձանց առօրյան հնարավորինս կենսական դարձնելու, ինչպես նաև ազատ ժամանակն առավել արդյունավետ օգտագործելու նպատակով Հայաստանի Հանրապետության արդարադատության նախարարության քրեակատարողական հիմնարկներում շարունակվում են իրականացվել տարբեր ձևաչափերի միջոցառումներ: 

Փետրվարի 25-ին ՀՀ ԱՆ «Աբովյան» քրեակատարողական հիմնարկում սոցիալական, հոգեբանական և իրավական աշխատանքների բաժնի նախաձեռնությամբ կազմակերպվել էր հերթական մարզական միջոցառումը՝ վոլեյբոլի մրցաշար ազատազրկված կանանց մասնակցությամբ:

Խաղը, որի նպատակը հաղթանակը չէր, այլ առօրյան ֆիզիկական ակտիվությամբ հագեցնելը, անցել է բավական մեծ խանդավառությամբ և ոգևորությամբ: