Քրեակատարողական ծառայությունում ամփոփվել են ազատազրկված անձանց պայմանական վաղաժամկետ ազատման և անվտանգային գոտիների փոփոխության վերաբերյալ 2025 թվականի վիճակագրական տվյալները՝ համեմատական վերլուծությամբ 2024 թվականի ցուցանիշների հետ։

Ընդհանուր առմամբ՝ 2025 թվականին արձանագրվել է պայմանական վաղաժամկետ ազատման գործընթացների ակտիվացում և անվտանգային գոտիների ու պայմանների մեղմացման դրական դինամիկա, ինչը վկայում է անհատական գնահատման և վերասոցիալականացման գործընթացների արդյունավետության աճի մասին։

 

Պայմանական վաղաժամկետ ազատում

Պատիժը կրելուց պայմանական վաղաժամկետ ազատման վերաբերյալ զեկույցներ՝

• 2025թ․ – 900
• 2024թ․ – 765
• Աճ՝ 135-ով

Պայմանական վաղաժամկետ ազատված դատապարտյալներ՝

• 2025թ․ – 170
• 2024թ․ – 138
• Աճ՝ 32-ով

 

Անվտանգային գոտիների և պայմանների փոփոխություն

Դրական տեղաշարժեր են գրանցվել նաև դատապարտյալների անվտանգային գոտիների և պայմանների փոփոխության ցուցանիշներում․

• բարձրից միջին անվտանգային գոտի տեղափոխվել է 19 դատապարտյալ (2024թ․ - 11),
• միջինից ցածր անվտանգային գոտի՝ 17 դատապարտյալ (2024թ․ - 11),
• բարձր անվտանգային գոտու խիստ պայմաններից մեղմ՝ 7 դատապարտյալ (2024թ․ - 1),
• միջին անվտանգային գոտու խիստ պայմաններից մեղմ՝ 15 դատապարտյալ (2024թ․ - 15),
• ցածր անվտանգային գոտու խիստ պայմաններից մեղմ՝ 17 դատապարտյալ (2024թ․ - 14)։