Քրեակատարողական ծառայության պետ Ծովինար Թադևոսյանի գլխավորությամբ ամփոփվել են «Աբովյան» և «Սևան» քրեակատարողական հիմնարկների՝ 2025 թվականի ընթացքում իրականացված աշխատանքներն ու գործունեության հիմնական արդյունքները։

«Աբովյան» ՔԿՀ․

• Ավելացել է տեխնիկատնտեսական սպասարկման՝ վարձատրվող աշխատանքներում ներգրավված ազատազրկված անձանց թիվը (2025թ․՝ 34 անձ, 2024թ․՝ 18 անձ)։
• Ավելացել է հիմնարկում իրականացվող տարաբնույթ վերասոցիալականացման միջոցառումների քանակը (2025թ․՝ 77 մշակութային, մարզական և կրոնական միջոցառում, 2024թ․՝ 58)։

2024-2025թթ․ հիմնանորոգվել և շահագործման են հանձնվել՝

• երկարատև տեսակցությունների սենյակները
• քննչական գործողությունների սենյակները
• մեկուսարանը
• վարչական շենքը

 

«Սևան» ՔԿՀ․

• 2024թ․-ին ԵԽ աջակցությամբ ստեղծվել են և 2025թ․-ին շահագործման հանձնվել վերանորոգված և ժամանակակից սարքավորումներով հագեցած կահույքագործության և զոդման ուսումնական կենտրոն-արհեստանոցները, որտեղ ազատազրկված անձինք պատրաստել են մարզագույք, տարբեր տեսակի սեղաններ և աթոռներ մյուս քրեակատարողական հիմնարկների համար։

• Աճել է մասնագիտական ուսուցման ծրագրերում ներգրավված ազատազրկված անձանց թիվը (2025 թ․՝ 69 մասնակից, 2024թ․՝ 41 մասնակից):
• Աճել է հանրակրթական գործընթացում ներգրավված ազատազրկված անձանց թիվը (2025 թ․՝ 16 մասնակից, 2024թ․՝ 9 մասնակից)։
• Աճել է տեխնիկատնտեսական սպասարկման՝ վարձատրվող աշխատանքներում ներգրավված ազատազրկված անձանց թիվը (2025 թ․՝ 25 անձ, 2024թ․՝ 14 անձ)։