Ազատազրկված անձանց վերասոցիալականացմանն ուղղված ծրագրերի շրջանակներում, ինչպես նաև նրանց ազատ ժամանակը հնարավորինս արդյունավետ դարձնելու նպատակով Հայաստանի Հանրապետության արդարադատության նախարարության «Արթիկ» քրեակատարողական հիմնարկի սոցիալական, հոգեբանական և իրավական աշխատանքների բաժնի նախաձեռնությամբ կազմակերպվել է մշակութային միջոցառում։ Գյումրու ժողովրդական գործիքների պետական նվագախումբը՝ գեղարվեստական ղեկավար, մենակատար Կարեն Մայիլյանի գլխավորությամբ, հյուրընկալվել է հիմնարկ։ 

Միջոցառման կազմակերպմանը աջակցել է ՀՀ Շիրակի մարզպետարանի աշխատակազմը։