Ազատազրկված անձանց վերասոցիալականացմանն ուղղված ծրագրերի շրջանակներում ՀՀ ԱՆ «Վանաձոր» քրեակատարողական հիմնարկում սոցիալական, հոգեբանական և իրավական աշխատանքների բաժինը Վանաձորի պետական համալսարանի բանասիրության ֆակուլտետի լեզվի ամբիոնի դոցենտ, բանասիրական գիտությունների թեկնածու Դավիթ Գյուլզատյանի հետ համատեղ կազմակերպել էր մշակութային միջոցառում՝ նվիրված հայոց լեզվին։ 

Բացման խոսքով հանդես է եկել հիմնարկի պետի տեղակալ Արծրուն Պետրոսյանը՝ նախ ներկայացնելով հյուրին, ապա՝ միջոցառման նպատակը, շեշտադրելով նաև նմանատիպ միջոցառումների իրականացման նշանակությունը։

Լեզվաբան Դավիթ Գյուլզատյանը «Լեզվի ազգապահպան դերը» թեմայով դասախոսության ընթացքում ծանոթացրել է հայոց լեզվի պատմության ընթացքին և նշել հատկապես նրա կարևոր դերը ազգապահպանության գործում։