ՀՀ արդարադատության նախարարության «Աբովյան» քրեակատարողական հիմնարկում պահվող անչափահաս ազատազրկված անձանց համար կազմակերպվել էր «Բռնության սոցիալական հիմքերն ու դրսևորումները» թեմայով դասընթաց, որը վարել է հոգեբան Ինգա Մուկուչյանը։

Դասընթացին հոգեբանը մասնավորապես անդրադարձել է բուլինգի երևույթին՝ ներկայացնելով դրա առաջացման պատճառները, դրսևորման ձևերն ու հնարավոր հետևանքները։ Քննարկվել են նաև բռնության խորքային աղբյուրները, ինչպես նաև այն հաղթահարելու արդյունավետ ուղիները։