Անազատության մեջ գտնվող անձանց զբաղվածությունն ապահովելու նպատակով Հայաստանի  Հանրապետության արդարադատության նախարարության քրեակատարողական հիմնարկներում շարունակվում են իրականացվել համապատասխան ծրագրեր։ 

ՀՀ ԱՆ «Գորիս» ՔԿՀ-ում հունիսի 16-ին հիմնարկի ՍՀԻԱ բաժինը դատապարտյալների շրջանում կազմակերպել է շաշկու ներհիմնարկային մրցաշար, որին մասնակցել է 21 դատապարտյալ։

Հունիսի 15-ից ՀՀ ԱՆ «Աբովյան» ՔԿՀ-ում հիմնարկի սոցիալական, հոգեբանական և իրավական աշխատանքների բաժնի նախաձեռնությամբ անչափահասների համար մեկնարկել է «Ճանապարհային երթևեկության կանոնների յուրացում» ինտերակտիվ դասընթացների շարքը՝ շաբաթական երկու օրով, մեկական ժամ տևողությամբ։ Դասընթացները ավարտվելու են սույն թվականի սեպտեմբերին։