Հայաստանի Հանրապետության արդարադատության նախարարության «Արմավիր» քրեակատարողական հիմնարկի ինքնագործ մշակութային միավորման նախագահ, դատապարտյալ Մուշեղ Մխիթարյանի նախաձեռնությամբ և հիմնարկի սոցիալական, իրավական և հոգեբանական աշխատանքների բաժնի աջակցությամբ հունվարի 25-ին հիմնարկի գրադարանում կազմակերպվել է հերթական մշակութային միջոցառումը: Միավորման անդամ դատապարտյալները հանդիպել են ռեժիսոր, ՀՀ արվեստի վաստակավոր գործիչ, Երևանի Հովհաննես Թումանյանի անվան պետական տիկնիկային թատրոնի գեղարվեստական ղեկավար Ռուբեն Բաբայանի հետ:

Բացման խոսքով հանդես են եկել ՍՀԻԱ բաժնի աշխատակիցները՝ շնորհակալություն հայտնելով հյուրին` հիմնարկ այցելելու և այդպիսով դատապարտյալներին մշակութային կյանքին հաղորդակից դարձնելու համար:

Հանդիպման ընթացքում եղել են քննարկումներ բեմարվեստի հայ մեծանուն դերասանների, ինչպես նաև բանաստեղծների` հայկական թատրոնում և հայ ժողովրդի կյանքում ունեցած դերի և նշանակության մասին։