Եվրոպայի խորհրդի կողմից իրականացվող «Ազատությունից զրկված անձանց իրավունքների ամրապնդումը» ծրագրի շրջանակներում սույն թվականի հունվարի 30 և 31-ին իրականացվել են դասընթացներ՝ «Վերապատրաստում ինքնասպանությունների կանխարգելման միջամտությունների պլանների վերաբերյալ՝ հիմնված Հայաստանի քրեակատարողական հիմնարկների համար մշակված ինքնասպանության և ինքնավնասման ռիսկի զննության և գնահատման գործիքակազմի վրա» թեմայով։

Վերապատրաստմանը մասնակցել են Ծառայության կենտրոնական մարմնի համապատասխան ստորաբաժանումների պետերը, քրեակատարողական հիմնարկների ղեկավար անձնակազմը։

Ելույթով հադես է եկել Հայաստանի Հանրապետության արդարադատության նախարարության քրեակատարողական ծառայության պետի առաջին տեղակալ, արդարադատության գնդապետ Սահակ Գրիգորյանը՝ բարձր գնահատելով Եվրոպայի խորհրդի ներդրումն ու աջակցությունը քրեակատարողական համակարգի բարելավման և զարգացման գործում։

Դասընթացների նպատակն էր քրեակատարողական հիմնարկներում 2022 թվականի օգոստոսից գործարկվող ինքնասպանության և ինքնավնասման ռիսկի զննության և գնահատման գործիքակազմի շրջանակներում իրականացվող աշխատանքների արդյունավետության բարձրացումը։ 

Վերապատրաստման ընթացքում Եվրոպայի խորհրդի միջազգային փորձագետ Դուգլաս Գրահամի և ազգային փորձագետ Արշակ Գասպարյանի հետ քննարկվել են ռիսկերի կառավարման պլանը, անվտանգության ու վերականգնողական ստորաբաժանումների միջև համագործակցության առանձնահատկությունները և ոլորտին վերաբերող այլ հարցեր։