Ապրիլի 14-ին՝ ժամը 11:30-ի սահմաններում, ՀՀ ԱՆ «Դատապարտյալների հիվանդանոց» քրեակատարողական հիմնարկի աշխատակիցները դեպի բնակելի գոտի տանող տրանսպորտային միջոցների զննման կետում բեռնատարի վարորդ Կ. Բ.-ի անձնական խուզարկությամբ վերջինիս վերնաշապիկի գրպանից հայտնաբերել և առգրավել են ծխախոտի փայլաթիթեղով փաթեթավորված կանեփանման կասկածելի կանաչավուն զանգված:

                                                                                      * * *

Ապրիլի 18-ին` ժամը 13:05-ի սահմաններում ՀՀ ԱՆ «Նուբարաշեն» քրեակատարողական հիմնարկի աշխատակիցները կարանտինային բաժանմունքի խցերից մեկի պատուհանի տակի դրսի կողմի հատվածից հայտնաբերել են ծխախոտի տուփ, որի մեջ առկա էր 3 միլիգրամանոց ներարկիչ, ներարկիչի ասեղ, բամբակ և ծխախոտի փայլաթիթեղով փաթեթավորված, 0,2 գրամ քաշով սպիտակ փոշենման զանգված:

Հայտանբերվածներն ուղարկվել են փորձաքննության:

Կատարվում է հետաքննություն: