Մայիսի 22-ին  ՀՀ ԱՆ  քրեակատարողական վարչության բակում վարչության պետի տեղակալ, արդարադատության գնդապետ Մ. Հարությունյանը անցկացրեց շարային ստուգատես քրեակատարողական հիմնարկների պահպանության ապահովման բաժինների ծառայողների արտաքին տեսքն ու շարային կեցվածքը ստուգելու նպատակով:

Այնուհետև վարչության նիստերի դահլիճում անցկացվեց  ուսումնամեթոդական   խորհրդակցություն՝  ուղղված մասնագիտական գիտելիքների և ծառայողական հմտությունների բարձրացմանը:

Խորհրդակցության ընթացքում ամփոփվեցին 2015թ. 1-ին եռամսյակում կատարված աշխատանքները,  ինչպես նաև խոսվեց ծառայողների կողմից զենքի և զինամթերքի հետ վարվելու անվտանգության կանոնների պատշաճ պահպանման կարևորության մասին:

Ելույթ ունեցան նաև քրեակատարողական հիմնարկների պահպանության ապահովման բաժինների պետերը, որոնք խոսեցին տեղերում առաջնահերթ լուծում պահանջող խնդիրների մասին:

Խորհրդակցության ավարտին Մ. Հարությունյանը, ամփոփելով այն, անդրադարձավ կատարված աշխատանքներին և տվեց նոր հանձնարարականներ: