Հայաստանի Հանրապետության արդարադատության նախարարության «Նուբարաշեն» քրեակատարողական հիմնարկի ծառայողները, իրացնելով օպերատիվ տեղեկությունները, 2021 թվականի նոյեմբերի 28-ին՝ ժամը 09:20-ի սահմաններում, զննության են ենթարկել նույն հիմնարկի անվտանգության բաժնի աշխատակցին պատկանող պոլիէթիլենային տոպրակը: 

Զննությամբ տոպրակում հայտնաբերվել են 5 հատ 0,5 լիտր տարողությամբ տարաներ՝ լցված ալկոհոլին բնորոշ հոտ ունեցող մուգ հեղուկով:

Ըստ վերոնշյալ աշխատակցի հայտարարության՝ տարաների մեջ վիսկի է եղել, որը նա գումարի դիմաց պետք է փոխանցեր ազատազրկված անձանցից մեկին:

Դեպքի առթիվ նախապատրաստված նյութերը փոխանցվել են Հակակոռուպցիոն կոմիտե: