ՀՀ արդարադատության նախարարության բոլոր քրեակատարողական հիմնարկների պահպանության ապահովման ստորաբաժանումների ծառայողները մասնակցել են հրաձգության գործնական պարապմունքների, որոնք կազմակերպվել էին ՀՀ արդարադատության և պաշտպանության նախարարությունների համագործակցությամբ ԶՈՒ զորավարժադաշտերում։

Պաշտպանության նախարարության հրահանգիչների գլխավորությամբ քրեակատարողական ծառայողները ծանոթացել են արդի մարտավարական մեթոդներին և ձևերին, կատարելագործել են «Կալաշնիկով» ինքնաձիգի կիրառման իրենց հմտությունները։ Պաշտպանության նախարարությունը պարապմունքների համար հատկացրել էր նաև զինամթերքն ու անհրաժեշտ հանդերձանքը և կազմակերպել անվտանգության ու բժշկական ապահովման հարցերը։

Քրեակատարողական հիմնարկների պահպանության ապահովման ստորաբաժանումների հրաձգության գործնական պարապմունքները ԶՈՒ զորավարժադաշտերում իրականացվելու են յուրաքանչյուր եռամսյակը մեկ անգամ։