Հայաստանի Հանրապետության արդարադատության նախարարության քրեակատարողական հիմնարկները տարին ամփոփում են տարբեր ձևաչափի միջոցառումներով։ Մասնավորապես՝ «Գորիս» քրեակատարողական հիմնարկում հիմնարկի սոցիալական, հոգեբանական և իրավական աշխատանքների բաժինը ազատազրկված անձանց համար կազմակերպել էր շաշկու ներհիմնարկային մրցաշար, որին մասնակցել է շուրջ 22 դատապարտյալ։ Հաղթողներին շնորհվել է շնորհակալագրեր։

«Վանաձոր» ՔԿՀ-ում հանրակրթական դասընթացներին ընդգրկված ութ ազատազրկված անձանց շրջանում իրականացվել է անգլերենի բաց դաս, որի թեման եղել է Ամերիկայի Միացյալ Նահանգներում և Կանադայում նոյեմբերի վերջին հինգշաբթի նշվող պետական, ազգային տոնը՝ Գոհաբանության օրը։ Ցուցադրվել է նաև օրվան նվիրված վավերագրական ֆիլմ՝ անգլերեն լեզվով։